Velkomen til Symfoniorkesteret ved Høgskulen i Volda sin årlege nyttårskonsert. I år har vi med oss flotte ballettdansarar frå Ballettskulen i Ørsta og Volda og Øystein Salhus på fiolin. Han er tilsett  ved institutt for musikk der han driv mellom anna med forsking, utviklingsarbeid og undervisning. Han arbeider særskilt med musikk og helse og musikkterapi. Salhus har tidlegare vore både fiolinist, konsertmeister for orkesteret og dirigent. Vi gler oss veldig til å spele saman med han på Monti sitt kjende stykke Csárdás.  Til valsen An der schönen blauen Donau vil vi få nydeleg ballettdans av (f.v) Anna Nerland Halkjelsvik, Maya Gravdal, Alette Myrhol og Ragna Hofset Kile.  Dirigent på konserten er Bert Handrick, organist i Volda kyrkje og har dirigert orkesteret ved fleire høve. 
Det blir høve til å kjøpe seg noko godt å ete og drikke i pausa og ein skal ikkje sjå vekk i frå at vi sprett champangeflaska òg! Velkomen til festleg nyttårsfeiring på Berte Kanutte søndag 11. januar 2026 kl 18:00


Program:

Terje Tjervåg: Runde-suite
Amadeo Vives (arr. Miki Campins): Doña Francisquita
Henning Sommerro (arr. Carsten Klouman): Vårsøg
Piotr Tchaikovsky: Trepak (frå Nøtteknekkeren)
H. C. Lumbye (arr. M. B. Haub): Champagner-Galopp
Johann Strauss jun.: An der schönen blauen Donau
Johann Strauss sen.: Radetzky-Marsch
Vittorio Monti: Csárdás Solist: Øystein Salhus
Johann Strauss jun.: Pizzicato-Polka

Solist på fiolin: Øystein Salhus
​Gjestar: Ballettskulen i Ørsta og Volda
Dirigent: Bert Handrick