Nasjonal Festkonsert 2018

Når: 17.mai
Tid: 20.00
Stad: Volda Kyrkje
Dirigent: Bjarte Engeset

Tradisjonen tru held Symfoniorkesteret ved Høgskulen i Volda konsert 17. mai med godt kjende perler frå den klassiske norske musikklitteraturen. A-mollkonserten er hovudverket på konserten, og denne gongen har orkesteret fått med seg ein ung og lovande solist frå Brandal, nemleg Olav Egge Brandal.

​

Olav Egge Brandal

Starta å spele piano som 7-åring ved Hareid Kulturskule. Der hadde han Torgeir Hauge som lærar.
​Vidare gjekk han musikklina ved Fagerlina VGS og deretter Toneheim Folkehøgskule. Han gjorde ferdig sin Bachelor ved Griegakademiet i Bergen våren 2017, der han hadde Signe Bakke som lærar. No tek han master ved Norges Musikkhøgskule i Oslo der han har Jens Harald Bratlie og Einar Henning Smebye som lærarar. Har gjort solokonsertar i bl.a. Volda Kyrkje og i Grieghallens Foaje. Har spelt i ulike kammerensembler på arenaer som Troldsalen og Festspela i Bergen og akkompagnert mykje song, deriblant den kjende tenoren Bror Magnus Tødenes. Har i tillegg til pianoet erfaring både som pedagog og organist. Våren 2016 medverka han på CD-innspeling med musikk av Ketil Hvoslef, utgitt av Lawo Classics. Har hatt meisterklassar med m.a. pianistar som Håvard Gimse, Tor Espen Aspaas og Aquilles del Vigne. Av stipend har han vunne Draumestipendet og Gnist-Mørestipend. 

Bjarte Engeset

Denne 17. maikonserten har orkesteret vore så heldig å fått Bjarte Engeset til å dirigere oss på denne store festkonserten. Bjarte Engeset har studert direksjon med Jorma Panula ved Sibelius-akademiet i 1989, her oppnådde han den aller høgaste poengsummen. Han har òg studert ved det berømte dirigentseminaret i Tanglewood i USA med lærarar som Seiji Ozawa, Gustav Meier, Simon Rattle og Marek Janowski. Bjarte er sjefsdirigent i Kongelege Norske Marines Musikkorps og har vore kunstnerisk lear for Tromsø symfoniorkester og for det Norske Blåseensemble. I ei årrekkje var var han kunstnerisk leiar for Nordlysfestivalen og Opera Nord og permanent gjestedirigent for det Flamske Radio Symfoniorkester.