Det heile starta med ein draum om å setje opp ei heil forestilling og med Sparebank 1 og Høgskulen i Volda som hovudsponsorar, kunne denne draumen verte til verkelegheit...
Picture
Tenk, at ein relativt liten plass som Volda har eit eige symfoniorkester, og i nabobygda Ørsta, ein av landets største ballettskular! Det må vi vise fram! Eventyrballetten har store og små ballerinaer, fantasi, magi, fargerike kostymer, storslegne scenebileter. Balletten blir sett opp i si originale heilheit og det er første gongen symfoniorkesteret speler Nøtteknekkaren i si heilheit. Både Ørsta og Volda Ballettskule og symfoniorkesteret har dansa og/ eller spele einskildstykker frå balletten, men aldri gjort den i lag. Koreograf er Analu Zidko. Analu Zidko er utdanna i Brasil innan Royal Academy of Dance og er av topp klasse. 
Dirigent for symfoniorkesteret ved Høgskulen i Volda, på dette prosjektet er Michael Pavelich. Han har dirigert Nøtteknekkaren mange gongar tidlegare og har erfaring med operahuset på Nordfjordeid og kjenner musikken svært godt.  Ein kan vente seg eit orkester som leverer musikk av svært høg standard. 
Det vil verte sett opp 3 framsyningar på operahuset i Nordfjordeid.
Omlag 170 aktørar er i sving på scena, både store og små, profesjonelle og amatørar. Dette blir noko av det største symfoniorkesteret ved Høgskulen i Volda og Ørsta og Volda Ballettskule har gjort. Stor takk til Sparebank 1, Høgskulen i Volda, Møre og Romsdal fylkeskommune, Møremusikarane, Aurvoll og Furesund, Ørsta kommune og Volda kommune, Rebekkalogen Symra, Tussa, Ørsta Bil, Volda Maskin, Vartdal Plast, KRK Grafisk, Nordvestprofil og mediefaglinja ved Høgskulen i Volda.