Dato: Søndag 23. april 2023
kl 18:00
Stad: Hjørundfjord kyrkje
​KONSERT SAMAN MED BRAZZ BROTHERS
Søndag 23. april 2023 brakar det laust i Hjørundfjord kyrkje. Symfoniorkesteret ved Høgskulen i Volda får nemleg besøk av Brazz Brothers. Den verdskjende gruppa frå øya Sula i Langevågen har reist over store delar av verda, både i Asia, Afrika, USA, Europa, og her i Skandinavia og holdt mange tusen konsertar, og no er dei her hos oss. “Du store, kor heldige vi er”!
Det er Michael Pavelich frå Nordfjordeid som skal dirigere denne konserten. Det er fyrste gong orkesteret får besøk av denne fargerike jazzgruppa. Gruppa vart danna av dei to brødrepara: Runar Tafjord (waldthorn), Stein Erik Tafjord (tuba) og Jan Magne Førde (flygelhorn/trompet), og Helge Førde (trombone), som alle starta si karriere i skulekorps.  I lag med Kåre Nymark jr. på trompet, Kenneth Ekornes på slagverk blir dette eit fyrverkeri av ein konsert som publikum seint vil gløyme og heilt garantert vil  få dei fleste til å kjenne rytmene langt ned i storetåa. Det blir mykje afrikansk og norsk musikk på repertoaret. Ta turen til vakre Sæbø og Hjørundfjord kyrkje på søndag. Dette blir ein stemningsfull og fargerik konsert med mykje afrikansk og norsk musikk, flotte harmoniar, deilige rytmiske variasjonar og nydelege brasstonar saman med eit spent og veltrent orkester. Vel møtt!
​

​