Torsdag 17. mai arrangerer Symfoniorkesteret ved Høgskulen i Volda sin tradisjonelle nasjonale festkonsert. Norsk musikk står på programmet, både i form av Bojarenes Indtogsmarsch, kjend som kjenningsmelodien til Ønskekonserten på NRK radio, og med to vakre stykke frå Griegs Peer Gynt, op. 23 - her med Ruth Olina Lødemel som sopransolist. Fyrste avdeling vert runda av med fire norske dansar av Edvard Grieg, op. 35. Desse blei originalt komponert for klaver i 1880, men blei seinare tonesett for orkester av den tyske kapellmeisteren Hans Sitt. Hovudverket denne konserten er den årlege framføringa av Griegs klaverkonsert i a-moll. I år har orkesteret vore så heldige å få med seg den unge, lovande pianisten Ole Christian Haagenrud som solist.