I 2020 setje Symfoniorkesteret ved Høgskulen i Volda, saman med Ørsta og Volda Ballettskule opp Nøtteknekkaren for aller fyrste gong. No skal vi gjere det igjen 27. og 28. januar, med generalprøve 26. januar 2024. Dette er eit samarbeidsprosjekt. Det er etter E.T.A. Hoffmanns klassiske eventyr Nøtteknekkaren. Framsyninga vil vare omlag 2t med pause. Eventyrballetten er ein av verdas mest populære ballettar. Den har store og små ballerinaer, fantasi, magi, fargerike kostymer, storslegne scenebileter og fantastisk musikk av komponisten Peter Tsjaikovskij. Dirigent på dette prosjektet er Michael Pavelich og koreografar er Analu Zidko og medkoreografar er Regine Berg-Rusten og Susanne Stark. 90-100 dansarar frå Ballettskulen, frå 8-20 år vil vere i sving på prosjektet, i tillegg har vi fått med oss Fabian René Volden som mannleg dansar og Nøtteknekkarprinsen.

Dirigenten er Michael Pavelich. Han har dirigert Nøtteknekkaren tidlegare, og har erfaring med operahuset på Nordfjordeid, og han kjenner musikken svært godt. Ein kan vente seg eit orkester som leverer musikk av svært høg standard. Symfoniorkesteret tel omlag 30 musikarar. I tillegg leiger vi inn 10 ekstra musikarar for å kunne dekkje det musikalske behovet til dette prosjektet. Det vil verte sett opp 2 framsyningar på operahuset i Nordfjordeid i tillegg til generalprøve, og ein venter seg godt publikumstal. Billettar kan kjøpast på operahuset.no 
Vel møtt til juleførestilling for heile familien!